Mahadev Jankar : मुख्यमंत्री कधीच नाही पण 5 मिनिटं तरी पंतप्रधान होईन, जानकरांचं विधान

धाराशीव : राज्यात विधानसभा निवडणुकीची रणधुमाळी सुरू आहे. प्रचार शिगेला पोहोचला असून प्रचाराच्या तोफा काही तासात थंडावतील. दरम्यान, प्रचारसभेत रासपचे अध्यक्ष महादेव जानकर यांनी मोठं विधान केलंय.  महाराष्ट्राचा मुख्यमंत्री कधीच होणार नाही पण पाच मिनिटांसाठी तरी देशाचा पंतप्रधान होईन असं विधान राष्ट्रीय समाज पक्षाचे अध्यक्ष महादेव जानकर यांनी केलं. रासपच्या उमेदवाराच्या प्रचार सभेत बोलताना जानकर यांनी हे वक्तव्य केलंय. यावेळी त्यांनी भाजपवरही जोरदार टीका केली.