गावातल्या प्रत्येकाला शिकण्याचा हक्क, सरकारला दणका; जाचक अटीला कोर्टाकडून स्थगिती

पालक आणि शिक्षकांचं टेन्शन दूर करणारी बातमी आहे.कोर्टाच्या निर्णयामुळे पालकांनाच नाही तर ग्रामीण भागातील शाळांनाही मोठा दिलासा मिळाला आहे. आरटीई अंतर्गत प्रवेश घेऊ इच्छिणाऱ्या राज्यातील हजारो विद्यार्थ्यांसाठी आणि पालकांसाठी एक अत्यंत आनंदाची आणि महत्त्वाची बातमी समोर आली आहे. महाराष्ट्र सरकारने आरटीई प्रवेशासाठी लादलेली १ किलोमीटर अंतराची जाचक अट मुंबई उच्च न्यायालयाच्या नागपूर खंडपीठाने स्थगित केली. सरकारच्या या मनमानी निर्णयामुळे अनेक गरीब आणि गरजू विद्यार्थ्यांना प्रवेश घेणं कठीण होत होतं, मात्र आता कोर्टाच्या या निर्णयामुळे शिक्षण घेणं सोपं झालं आहे.