वेग जीवावर बेतला, दुचाकीवरचे तिघेही जागीच गेले, बाईक एसटीच्या समोरील भागात अडकली

सटाण्याजवळ साक्री-शिर्डी मार्गावर एसटी बस आणि दुचाकीची समोरासमोर धडक होऊन झालेल्या या भीषण अपघातात दुचाकीवरील तिन्ही तरुणांचा जागीच मृत्यू झाला. एसटी बस नंदुरबार येथून वसईकडे जात असताना हा अपघात झाला असून प्राथमिक माहितीनुसार दुचाकी अति वेगात होती. त्यामुळे चालकाचे नियंत्रण सुटले आणि दुचाकी थेट समोरून येणाऱ्या एसटी बसवर जाऊन आदळली.

अपघात इतका भीषण होता की दुचाकी एसटीच्या समोरील भागात जाऊन अडकली. घटनेची माहिती मिळताच पोलिसांनी घटनास्थळी धाव घेऊन मदतकार्य केले.पोलिसांनी गुन्हा दाखल केलेला असून मृतांच्या नातेवाईकांना घटनेची माहिती देण्यात आली आहे.