ऑपरेशन 'लोटस'ला चकवा, भाजपचा करेक्ट कार्यक्रम, सांगलीत महाविकास आघाडीची सत्ता, गणित कसं जुळवलं?

असिफ मुरसल, प्रतिनिधी, सांगली : सांगली जिल्हा परिषदेच्या अध्यक्षपदी राष्ट्रवादी शरदचंद्र पवार पक्षाच्या संगीता पाटील यांची निवड झाली आहे. या निवडीने महायुतीला मोठा धक्का बसला आहे. अखेरच्या क्षणापर्यंत सांगली जिल्हा अध्यक्षपदाच्या निवडणुकीचा सस्पेन्स कायम होता. अखेर मिशन लोटसला चकवा देत महाविकास आघाडीने महायुतीचा करेक्ट कार्यक्रम केल्याची चर्चा सांगलीच्या नाक्यानाक्यावर आहे.