सांगलीत गाढवांच्या चोरीचा 'आंध्र' पॅटर्न! 3.5 लाखांची 23 गाढवं लंपास, पोलीसही हैराण

सांगली : देशभरात सध्या गाढवांच्या चोऱ्यांचे प्रमाण वाढले आहे आणि सांगली जिल्हाही याला अपवाद राहिलेला नाही. सुमारे तीन वर्षांपूर्वी सांगलीतून गाढवांच्या तस्करीचे एक मोठे प्रकरण गाजले होते. आता पुन्हा एकदा सांगली शहरातून धक्कादायक प्रकार समोर आला आहे. तब्बल साडेतीन लाख रुपये किमतीची 23 गाढवं चोरल्याची घटना घडली आहे. विशेष म्हणजे, या गाढवांच्या तस्करीत गुंतलेले चोर आंध्र प्रदेशातून, म्हणजेच सुमारे 800 किलोमीटर दूरून सांगलीत आल्याचे तपासात उघड झाले आहे. सांगली शहर पोलीस आता या चोरांच्या मागावर आहेत.