शिंदे 2019मध्येच मुख्यमंत्री झाले असते पण...; शरद पवारांच्या मुलाखतीनंतर राऊतांचा मोठा खुलासा

मुंबई : लोकसभा निवडणुकीच्या पाचव्या टप्प्यातील मतदान सोमवारी होत आहे. दरम्यान, राज्यात राष्ट्रवादी काँग्रेस शरदचंद्र पवार पक्षाचे प्रमुख शऱद पवार यांच्या मुलाखतीने आरोप प्रत्यारोप सुरू झाले आहेत. शरद पवार यांनी एकनाथ शिंदे यांच्या मुख्यमंत्रीपदाला राष्ट्रवादीतील नेत्यांचा विरोध होता असं मुलाखतीत म्हटलंय. याच मुलाखतीचा दाखला देत शिवसेना ठाकरे गटाचे नेते खासदार संजय राऊत यांनीही अनेक गौप्यस्फोट केले. महाविकास आघाडीत एकनाथ शिंदे हे मुख्यमंत्री व्हावेत असा विचार सुरू होता. पण याला राष्ट्रवादी काँग्रेस पार्टीतील अजित पवार, सुनिल तटकरे आणि दिलीप वळसे पाटील यांनी विरोध केला होता असं संजय राऊत म्हणाले.