शरद पवार अजितदादांसोबत जाऊच शकत नाही कारण... संजय राऊत यांना ठाम विश्वास

शरद पवार यांच्या एका मुलाखतीतील ओळींवरून काही लोक सुतावरून स्वर्ग गाठतायेत. आम्ही अनेक वर्षांपासून त्यांच्यासोबत काम करतोय, त्यामुळे त्यांच्या भूमिका आम्हाला माहिती आहेत.

जातीयवादी आणि धर्मांध शक्तींसोबत शरद पवार कदापि जाणार नाहीत, असे शरद पवार म्हणाले.

ज्या विचारांसाठी शरद पवार यांनी उभा आयुष्यभर संघर्ष केला. अनेक वर्षे विरोधी पक्षात राहिले. ते आता महाराष्ट्रद्वेषी शक्तींसोबत जाणार नाही. ज्यांनी त्यांचा आणि आमच्या दोघांचाही पक्ष फोडला, त्या लोकांबरोबर शरद पवार कसे जातील? असा सवाल करीत जे जायचे ते सोडून गेले, जे गेलेत त्यांचे चेहरे बघा, तिकडे ते अजिबात सुखी नाहीत, असे राऊत म्हणाले.

नाशिकपासून धुळे, मालेगावपर्यंत उत्तर महाराष्ट्रातील सर्व निवडणुका शिवसेना ताकदीने लढवेन. सर्व महत्वाच्या महापालिकांत शिवसेना आपली ताकद दाखवून देईल, असे राऊत म्हणाले. चार महिन्यात निवडणुका घ्या, असे सुप्रीम कोर्टाने सांगितले आहे. प्रत्येक पालिकेची बांधणी, मार्गदर्शन सुरू आहे. नाशिकला मोठे शिबीर झाले, प्रत्येक महापालिकेअंतर्गत असे शिबीर होतील, असेही राऊत म्हणाले.