Trending:

Satara Doctor: तरुणी रात्री हॉटेलवर का गेली? PSI बदणेसोबत वाद काय? आरोपीच्या वकिलाचा कोर्टात खळबळजनक दावा

Published by:Ravindra Mane

Last Updated:October 27, 2025 7:38 AM IST

Satara Woman Doctor Death: महिला डॉक्टर मृत्यू प्रकरणी कोर्टात झालेला युक्तीवाद समोर आला आहे. आरोपी बदणेच्या वकिलांनी कोर्टात विविध प्रश्न उपस्थित केले आहेत. यामुळे या प्रकरणाचं गूढ आणखी वाढत जाताना दिसत आहे.

इम्पॅक्ट शॉटतुमचा गेटवे लेटेस्ट न्यूज

Satara Woman Doctor Death: फलटण येथील उपजिल्हा रुग्णालयाच्या महिला डॉक्टर आत्महत्या प्रकरणात पोलिसांनी दोन्ही आरोपींना अटक केलं आहे. शुक्रवारी पहाटे पोलिसांनी प्रशांत बनकरला अटक केली. त्यानंतर शनिवारी रात्री उशिरा निलंबित पीएसआय गोपाल बदणेनं पोलीस ठाण्यात येऊन सरेंडर केलं. बदणे याने आपल्यावर चार वेळा बलात्कार केला. तर प्रशांत बनकरने मानसिक आणि शारीरिक त्रास दिल्याचा आरोप महिला डॉक्टरने सुसाईड नोटमध्ये केला होता. या प्रकरणी प्रशांत बनकरला चार दिवसांची तर आरोपी बदणेला पाच दिवसांची पोलीस कोठडी सुनावली आहे.

दरम्यान, कोर्टात झालेला युक्तीवाद समोर आला आहे. आरोपी बदणेच्या वकिलांनी कोर्टात विविध प्रश्न उपस्थित केले आहेत. यामुळे या प्रकरणाचं गूढ आणखी वाढत जाताना दिसत आहे. आरोपी बदणे याला या प्रकरणात गोवण्यात आलं आहे. त्याचा महिला डॉक्टरशी नक्की काय वाद होता? हेही बदणेच्या वकिलाने कोर्टात सांगितलं.

आरोपी गोपाल बदणेचे वकील कोर्टात काय म्हणाले?

आरोपी गोपाळ बदणेचे वकील कोर्टात म्हणाले, "एफआयआरमधील नोंदी विरोधाभासी आहेत. दोन गुन्हे असताना एकच एफआरआय दाखल करण्यात आला आहे. सुसाईड नोटमध्ये अत्याचाराचा आणि छळवणूक केल्याचा उल्लेख प्रशांत बनकरच्या संबंधाने आहे. चार महिने त्यांच्यात लग्न करण्यावरून वाद सुरू होते."

"पीडित महिला आरोपी क्रमांक एकच्या (प्रशांत बनकर) घरी राहत होती. आत्महत्या करायला ती हॉटेलमध्ये का आली? तिला बाहेर जायला प्रवृत्त करण्यात आलं होतं का? हा प्रश्न अनुत्तरित आहे. आरोपी दोनला (गोपाळ बदने) बळीचा बकरा बनवण्यात आले आहे", असा युक्तिवाद आरोपीच्या वकिलाने केला.

बदणेसोबत डॉक्टर तरुणीचा वाद काय होता?

गोपाळ बदनेच्या वकिलांनी न्यायालयात म्हटले की, "मयत डॉक्टरकडे पोलीस अटक केलेल्या आरोपीला वैद्यकीय चाचणीसाठी घेऊन गेले होते. माझी ड्युटी असतानाच आरोपींना का आणता यावरून वाद झाले होते. २५ जून रोजी दोघांनी एकमेकांविरोधात तक्रारी केल्या होत्या. त्यावेळी बलात्काराची तक्रार केली गेली नाही."

"आरोपी एकमुळे (प्रशांत बनकर) आत्महत्येस प्रवृत्त झाल्याचं सुसाईडनोटमधून लक्षात येत आहे. पण, जाता जाता आरोपी दोनला अडकवण्याचा प्रयत्न म्हणून त्याचे नाव टाकण्यात आले आहे. संबंधित पीडितेला बलात्कार झाला असेल, तर त्याची वेळ ठिकाणं, सगळं नोंदवता आलं असतं; पण सुसाईड नोटमधील आरोप वेगळा आहे. सुसाईड नोटची सत्यताच प्रश्न निर्माण करणारी आहे. त्यामुळे मोबाईल जप्त करणे, गाडीसाठी एक दिवस पुरेसा आहे", असा युक्तिवाद गोपाळ बदनेच्या वकिलांनी केला.

त्यावर सरकारी वकील म्हणाल्या, "सुसाईड नोट ही डाईंग डिक्लेरेशन (मृत्यूपूर्वीचा खुलासा) असल्याने सत्यच समजण्यात येते. मरणारी व्यक्ती कधीही खोटं बोलत नाही. याबाबत सर्वोच्च न्यायालयानेही आदेश दिले आहेत. त्यामुळे यावर शंका घेणं आरोपीच्या वकिलांचा चुकीचा मुद्दा आहे." युक्तिवादानंतर न्यायालयाने बदनेला पाच दिवसांची पोलीस कोठडी सुनावली.

view comments

Location :

Satara,Maharashtra

First Published :

October 27, 2025 7:38 AM IST

Satara Doctor: तरुणी रात्री हॉटेलवर का गेली? PSI बदणेसोबत वाद काय? आरोपीच्या वकिलाचा कोर्टात खळबळजनक दावा