मृत्यूनंतरही तरुणीसोबत घात, फिंगर लॉक वापरून मोबाइलमधील पुरावे डिलीट? खळबळजनक दावा

Satara Woman Doctor Death Case: साताऱ्याच्या फलटण येथील महिला डॉक्टर आत्महत्या प्रकरणाने संपूर्ण राज्य हादरलं आहे. डॉक्टर महिलेनं आत्महत्या करण्यापूर्वी आपल्या तळहातावर सुसाईड नोट लिहून आयुष्याचा शेवट केला. त्यांनी सुसाईड नोटमध्ये निलंबित पीएसआय गोपाल बदणे आणि प्रशांत बनकर यांची नावं नमूद केले होते. बदणे याने आपल्यावर चार वेळा अत्याचार केला. तर बनकर मागील चार महिन्यांपासून मानसिक आणि शारिरीक छळ करत होता, असा आरोप महिलेनं आत्महत्या करण्यापूर्वी लिहिलेल्या सुसाईड नोटमध्ये केला.