Satara ZP : सातारा ZP वाद चिघळला, शिवसेनेच्या मंत्री-आमदारांची तातडीची बैठक, एकनाथ शिंदे संतप्त, ''मंत्री-आमदारांना दुय्यम वागणूक...''

मुंबई: सातारा जिल्हा परिषद अध्यक्ष आणि उपाध्यक्ष निवडीवेळी झालेल्या राड्याचे पडसाद आता थेट राज्य सरकारमध्ये उमटू लागले आहेत. या प्रकरणावरून शिवसेना (शिंदे गट) आणि भाजपचे मंत्री आमने-सामने आल्याने महायुतीत वादाची ठिणगी पडली असल्याचे दिसून आले आहे. विधान परिषद आणि विधानसभेतही सातारा जिल्हा परिषद राड्याचा मुद्दा उपस्थित झाला. त्यानंतर या वादाची गंभीर दखल घेत उपमुख्यमंत्री एकनाथ शिंदे यांनी आज शिवसेना मंत्री आणि आमदारांची तातडीची बैठक बोलावली. या बैठकीत एकनाथ शिंदेंनी बैठकीत घडल्या प्रकारावर संताप व्यक्त केला असल्याची माहिती समोर आली आहे.