Wari 2024: पालखी सोहळ्यासाठी आरोग्य विभाग अलर्टवर! कशी आहे व्यवस्था?

शासकीय वैद्यकीय संस्था 12, खासगी वैद्यकीय संस्था 120, अशा मिळून जिल्ह्यात वैद्यकीय संस्थांची संख्या आहे 132. तसंच सातारा जिल्हा प्रशासनानं शासकीय आणि खासगी मिळून 1040 खाटांची सुविधा वारकऱ्यांसाठी केली आहे. तसंच खंडाळा 5 आणि फलटण 2 असे 7 स्थिर वैद्यकीय पथक आहेत. त्याचबरोबर 14 तात्पुरत्या स्तरावर 'वंदनीय बाळासाहेब ठाकरे आपला दवाखाना' स्थापन करण्यात येणार आहेत. लोणंद, तरडगाव, बरड आणि फलटण उपजिल्हा रुग्णालय असे 4 ठिकाणी ICU असणार आहेत. तसंच 5 ICU सेंटर उभारण्यात येतील. त्यात फिजिशियन्स आणि स्त्रीरोगतज्ज्ञांसह मॉनिटर, व्हेंटिलेटर उपलब्ध असेल.