शेतीसोबत पशुपालन, दिवसाला 4 हजारांची कमाई, साताऱ्यातील शेतकऱ्याची प्रेरणादायी कहाणी!

विकास मोहन कदम असे या शेतकऱ्याचे नाव आहे. ते सातारा जिल्ह्यातील मालगाव येथील रहिवासी आहेत. मोहन कदम यांनी 2008 मध्ये दुग्ध व्यवसायात पदार्पण केले. विकास कदम यांनी आधी दूध डेअरी चालवत होते. दूध डेअरी चालू करुन 4 वर्षे झाल्यानंतर त्यांच्या लक्षात आले की, स्वतःचा गोठा तयार करावा. यानंतर त्यांनी एका गायीपासून सुरुवात केली. आज त्यांच्याकडे 15 मोठ्या गायी आणि 11 कालवडी, तर 1 खिलार गाय आणि दोन कालवडी आहेत. त्याचबरोबर कोंबड्या, शेळीपालनही ते करत आहेत. असा त्यांचा सर्व जनावरांचा गोठा धरून 40 ते 45 जनावरे त्यांच्या गोठ्यात आहेत.

एका गायीपासून सुरू केलेला दुधाचा व्यवसाय मोठा झाला आहे. ते आज रोजचे 125 लीटर रोजचे दूध विकत आहेत. त्यातून दिवसाला त्यांना 4 हजाराहून अधिक पैसे मिळत आहेत. अशाप्रकारे सरासरी एक लाख रुपये महिन्याला या दुधाच्या व्यवसायातून ते कमवू लागले आहेत. या व्यवसायात त्यांची पत्नी आणि त्यांचा मुलगा हा त्यांना मदत करतो. पहाटे पाच वाजेपासून गुरांची स्वच्छता, चारा, दूध काढणे या सर्व कामांसाठी सुरुवात होते. या सर्वात मोठी मदत त्यांच्या पत्नीची होत असल्याचेही त्यांनी सांगितले.