Thane BJP: ठाण्यातील जागा वाटपाचा वाद तापणार? भाजपच्या बैठकीत मोठी घडामोड, Inside Story

ठाणे: उमेदवारी अर्ज दाखल करण्यासाठी शेवटचे काही दिवस शिल्लक असताना अजूनही महायुतीमधील जागा वाटपाचा पेच सुटला नसल्याचे चित्र आहे. शिवसेना शिंदे गटाचे मुख्य नेते आणि राज्याचे उपमुख्यमंत्री एकनाथ शिंदे यांचे होमग्राउंड असलेल्या ठाण्यात जागा वाटपाचा पेच कायम आहे. ठाण्यात स्वबळावर निवडणूक लढवण्याची तयारी भाजपने केली असली तरी महायुतीचे प्रयत्न सुरू आहेत. मात्र, महायुतीत सन्मानजनक जागांची मागणी भाजपने केली आहे. ठाणे महापालिका निवडणुकीबाबत भाजप प्रदेशाध्यक्ष रविंद्र चव्हाण यांनी आज बोलावलेल्या भाजप नेत्यांच्या बैठकीत हायव्होलटेज ड्रामा झाला. भाजप आमदार निरंजन डावखरे यांनी अधिकाधिक जागांची मागणी केली.