Sharad Pawar Health Update: शरद पवारांच्या प्रकृतीबाबत मोठी अपडेट! रुबी हॉल क्लिनिकडून मेडिकल बुलेटिन जारी, आता कशी आहे तब्येत?

पुणे: राष्ट्रवादी काँग्रेसचे (शरदचंद्र पवार पक्ष) अध्यक्ष आणि ज्येष्ठ नेते शरद पवार यांच्या प्रकृतीबाबत पुणे येथील रुबी हॉल क्लिनिकने अधिकृत पत्रक (Official Statement) प्रसिद्ध केले आहे. पवार यांची प्रकृती सध्या स्थिर असून त्यांच्या प्रकृतीत वेगाने सुधारणा होत असल्याची माहिती रुग्णालय प्रशासनाने दिली आहे. रविवारी, शरद पवार यांना पु्न्हा रुग्णालयात दाखल करण्यात आले होते. काही दिवसांपूर्वीच डिस्चार्ज दिल्यानंतर रविवारी पुन्हा एकदा त्यांना रुग्णालयात दाखल करण्यात आल्याने कार्यकर्त्यांमध्ये चिंतेंचं वातावरण होतं.