पार्थ-रोहित पवारांची भेट, सुनेत्रा पवारांचा शपथविधी अन् विलिनीकरण..,शरद पवारांनी दिली सर्व प्रश्नांची उत्तरं

फडणवीस यांनी पुढे म्हटले होते की, जर अजित पवार खरोखरच पक्षाच्या एकत्रीकरणाबाबत विचार करत असतील, तर भाजपशी संवाद न साधता त्यांनी असा मोठा निर्णय घेतला असता का? हा विचार करण्यासारखा मुद्दा आहे. राष्ट्रवादी काँग्रेसचे विलिनीकरण करायचे की नाही? हा त्या पक्षाचा अंतर्गत विषय असला तरी सत्तेत सहभागी असलेल्या प्रमुख पक्षांशी चर्चा करणे आवश्यक असते, असेही त्यांनी नमूद केले होते. तसेच, अजित पवार यांनी यापूर्वीही विविध राजकीय घडामोडींमध्ये भाजपशी संवाद साधला होता. त्यामुळे भविष्यात अशा कोणत्याही मोठ्या निर्णयासाठी संबंधित पक्षांमध्ये चर्चा होणे अपरिहार्य आहे, असे मतही फडणवीस यांनी व्यक्त केले होते.