Mumbai Pune Expressway: मुंबई-पुणे एक्सप्रेसवेवर 'महाकोंडी'; प्रवास टाळाच, अन्यथा 'या' 3 पर्यायी मार्गांचा करा वापर
- Published by:Kiran Pharate
- local18
Last Updated:
जर तुम्हाला मुंबई किंवा पुण्याला जाणं अत्यंत अनिवार्य असेल, तरच खालील मार्गांचा वापर करा. मात्र, या मार्गांनी प्रवासाचा वेळ ३ ते ५ तासांनी वाढू शकतो.
लोणावळा : मुंबई-पुणे एक्सप्रेसवेवरील आडोशी बोगद्याजवळ गॅस टँकरच्या भीषण अपघातानंतर सुरू असलेली गॅस गळती अद्याप थांबलेली नाही. सुरक्षिततेच्या कारणास्तव एक्सप्रेसवे आणि जुना महामार्ग (NH-48) या दोन्ही मार्गावरील वाहतूक पूर्णपणे विस्कळीत झाली आहे. महामार्ग पोलिसांनी प्रवाशांना लोणावळा-खंडाळा घाट क्षेत्रात न जाण्याचा कडक इशारा दिला आहे.
तुमच्यासाठी 'हे' ३ पर्यायी मार्ग
जर तुम्हाला मुंबई किंवा पुण्याला जाणं अत्यंत अनिवार्य असेल, तरच खालील मार्गांचा वापर करा. मात्र, या मार्गांनी प्रवासाचा वेळ ३ ते ५ तासांनी वाढू शकतो.
1. ताम्हिणी घाट मार्ग: पुणे → पौड → ताम्हिणी घाट → माणगाव → इंदापूर → मुंबई. (दक्षिण मुंबई आणि नवी मुंबईसाठी उपयुक्त)
advertisement
2. माळशेज घाट मार्ग: पुणे → चाकण → नारायणगाव → माळशेज घाट → मुरबाड → कल्याण/ठाणे. (मुंबई उपनगरांसाठी उपयुक्त)
3. मंचर/भीमाशंकर मार्ग: उत्तर मुंबई किंवा पालघरला जाण्यासाठी पुणे → मंचर → जुन्नर → माळशेज पट्टा.
प्रवाशांसाठी महत्त्वाच्या सूचना
लोणावळा आणि खंडाळा एक्झिटवर सध्या वाहनांच्या प्रचंड रांगा आहेत. त्यामुळे या भागात अडकण्यापेक्षा पर्यायी मार्ग निवडा. ताम्हिणी किंवा माळशेज मार्गे जाताना प्रवासाचा वेळ वाढणार असल्याने गाडीत पुरेसे इंधन, पिण्याचे पाणी आणि खाद्यपदार्थ सोबत ठेवा.
advertisement
सर्व अवजड वाहनांना गॅस गळती थांबेपर्यंत नजीकच्या 'फूड मॉल' किंवा पार्किंगच्या ठिकाणी थांबण्याच्या सूचना देण्यात आल्या आहेत. तसंच खाजगी वाहनापेक्षा रेल्वे प्रवास सध्या सर्वात सोयीचा आहे. डेक्कन क्वीन, सिंहगड एक्सप्रेस किंवा इंटरसिटी एक्सप्रेस या गाड्यांवर या परिस्थितीचा कोणताही परिणाम झालेला नाही.
आपत्कालीन संपर्क क्रमांक
प्रवासात कोणतीही अडचण आल्यास खालील क्रमांकावर संपर्क साधा:
advertisement
एक्सप्रेसवे कंट्रोल रूम: 9822498224
महामार्ग पोलीस: 9833498334 / 100
Location :
Pune,Maharashtra
First Published :
Feb 04, 2026 10:10 AM IST
मराठी बातम्या/पुणे/
Mumbai Pune Expressway: मुंबई-पुणे एक्सप्रेसवेवर 'महाकोंडी'; प्रवास टाळाच, अन्यथा 'या' 3 पर्यायी मार्गांचा करा वापर
