अवकाळी पावसातच पुण्याचे रस्ते 'जलमय'; 12 तासाच्या आत मोठा निर्णय, अंतर्गत रस्ते आता सिमेंटचे नाही तर 'असे' असणार

पाण्याचा निचरा होण्यास अडथळा: सिमेंटच्या रस्त्यांवरून पाणी जमिनीत मुरत नाही. ज्या ठिकाणी पावसाळी गटारे नाहीत, तिथे मुसळधार पावसामुळे रस्त्यांवर तळी साचतात. हे पाणी नागरिकांच्या घरात आणि पार्किंगमध्ये शिरून मोठ्या प्रमाणावर नुकसान होत आहे.

महापालिका आयुक्तांनी पथ विभागाला स्पष्ट सूचना दिल्या आहेत की, साडेसात मीटरपर्यंतच्या सर्व रस्त्यांवर प्राधान्याने डांबरीकरणच करावे. जोपर्यंत सर्व आवश्यक सेवावाहिन्यांची कामे पूर्ण होत नाहीत, तोपर्यंत काँक्रिटीकरण टाळावे. पावसाळी पाण्याचा निचरा होण्यासाठी योग्य यंत्रणा विकसित करण्यावर भर द्यावा. यंदाच्या अवकाळी पावसाने शहरातील रस्ते व्यवस्थेतील त्रुटी उघड केल्या होत्या. भिंती कोसळण्याच्या आणि पार्किंगमध्ये पाणी शिरण्याच्या घटनांनंतर प्रशासनावर मोठा दबाव होता. या पार्श्वभूमीवर घेतलेला हा निर्णय पुणेकरांसाठी दिलासादायक मानला जात आहे.