Uddhav Thackeray Raj Thackeray : उद्धव ठाकरेंची साद, राज ठाकरेंच्या मनात काय? बाळा नांदगावकरांनी स्पष्ट सांगितलं...

बाळा नांदगावकर हे खासगी कामाच्या निमित्ताने सोलापूर दौऱ्यावर आले होते. त्यावेळी माध्यमांशी त्यांनी संवाद साधला. या वेळी त्यांनी विविध मुद्यांवर भाष्य केले. हिंदी सक्तीच्या मुद्यावर बाळा नांदगावकर यांनी म्हटले की, हिंदी भाषेविषयी आमचं काही वावड नाही. मात्र हिंदी राष्ट्रभाषा नसून राज्यभाषा आहे. कोणत्याही राज्यावरती कोणती भाषा सक्ती होता कामा नये. राज्य निर्मिती झाली त्यावेळेस भाषिक प्रांत रचना झाली होती. पण हिंदी भाषा लादणार असतील तर त्याला कडवटपणे विरोध केला जाईल असा इशारा त्यांनी दिला. मुख्यमंत्री फडणवीस आणि मंत्रिमंडळाला आमची विनंती आहे की गरज नसताना एखांदा विषय वाढवू नये. तो विषय योग्य वेळेला संपवणे चांगला असतं असंही नांदगावकर यांनी म्हटले.