'मटण पार्टी देऊन गर्दी जमवली' सोलापुरात राजकारण फिरणार, आमदार वादाच्या भोवऱ्यात

विरेंद्रसिंह उत्पात, प्रतिनिधी सोलापूर: माळशिरस मतदारसंघाचे शरद पवार गटाचे आमदार उत्तमराव जानकर एका नव्या वादामुळे चर्चेत आले आहेत. माळशिरस तालुक्यातील 22 गावांना नीरा-देवघर धरणातून शेतीसाठी पाणी मिळावे, या मागणीसाठी त्यांनी केलेल्या रास्ता रोको आंदोलनात सहभागी होणाऱ्या आंदोलकांना चक्क मटण पार्टी दिल्याचा धक्कादायक प्रकार उघडकीस आला. या घटनेमुळे राजकीय वर्तुळात मोठी खळबळ उडाली असून, त्यांच्यावरुन स्थानिक पातळीवर राजकारण सुरू झालं आहे.