जिल्हा परिषद निकाल: महाविकास आघाडीला धोबीपछाड देत भाजपची सरशी; 'फडणवीस-चव्हाण' रणनीती यशस्वी

राज्यातील 12 जिल्हा परिषद आणि 125 पंचायत समिती निवडणुकीचा निकाल सोमवारी लागला. या निवडणुकीतही भारतीय जनता पक्षाने आपला दबदबा कायम राखला. 12 पैकी 8 जिल्हा परिषदांवर भाजपची सत्ती येणार असल्याचं चित्र अगदी स्पष्ट झालं. तर पंचायत समित्यांमध्ये देखील 50 हून जास्त पंचायत समित्या या भाजपकडेच असतील असं स्वत: मुख्यमंत्री फडणवीस निकालानंतर म्हणाले. महायुतीमधील मित्रपक्ष आणि विरोधी महाविकास आघाडीला मागे टाकत भाजपने सर्वाधिक जागांवर विजय मिळवला. स्थानिक स्वराज्य संस्थांच्या निवडणुकांमध्ये सलग तिसऱ्यांदा भाजपने मोठे यश मिळवल्याने, आगामी विधानसभा निवडणुकांसाठी पक्षाने आपले स्थान बळकट केल्याचे मानले जात आहे.