मित्रांनी आरडाओरडा केला, पण बघता बघता चिमुकला यश दिसेनासा झाला, सोलापुरात भयंकर घडलं

सोलापूर: उन्हाळा सुरू झाला की शाळा सकाळच्या सत्रात भरतात. त्यामुळे ग्रामीण भागातील अनेक विद्यार्थी घरी परतल्यानंतर विहिरी, तलावाच्या ठिकाणी पोहोण्यासाठी जात असतात. तेव्हा काही अपघाताच्या घटनाही घडतात. दक्षिण सोलापूर तालुक्यातील कासेगाव येथे अशीच दुर्दैवी घटना घडली आहे. जिल्हा परिषद प्राथमिक शाळेत शिकणाऱ्या एका चिमुकल्याचा दगडखाणीत बुडून मृत्यू झाला. यश हरी हब्बू (वय 10) असे मृत मुलाचे नाव असून तो चौथीच्या वर्गात शिक्षण घेत होता. या घटनेमुळे कासेगाव व परिसरात हळहळ व्यक्त केली जात आहे.