Solapur News : मशिदीत नेमकं काय असतं?, मुस्लिमेतर बांधवांनी जाणुन घेतले आतील उपक्रम
- Published by:Khushalkant Dusane
- local18
Last Updated:
मशीद म्हणजे काय? तिथे काय नेमकं काय केलं जातं? अजान, वजु, नमाज म्हणजे काय? असे विविध प्रश्न सर्वसामान्य मुस्लिमेतर बांधवाच्या मनात असतात.
इरफान पटेल, प्रतिनिधी
सोलापूर : इस्लाम धर्मियांचे प्रार्थना स्थळ असलेल्या मशिदीची ओळख सर्वसामान्य नागरिकांना व्हावी, या उद्देशाने सोलापुरात दरवर्षी एक अनोखा उपक्रम राबवला जातो. जमीयत ए अहले हदिस यांच्या वतीने यावर्षीही चार हुतात्मा चौक समोरील हाजी हजरत खान मस्जिद या ठिकाणी या उपक्रमाचे आयोजन करण्यात आले. उपक्रमाचे उद्घाटन अप्पर जिल्हाधिकारी सोलापूर मोनिका सिंग ठाकूर यांच्या हस्ते पार पडले.
advertisement
मुस्लिम बांधवाचे प्रार्थना स्थळ असलेल्या मस्जिद विषयी अनेकांच्या मनामध्ये कुतूहल असते. मशीद म्हणजे काय? तिथे काय नेमकं काय केलं जातं? अजान, वजु, नमाज म्हणजे काय? असे विविध प्रश्न सर्वसामान्य मुस्लिमेतर बांधवाच्या मनात असतात. या प्रश्नांची उकल व्हावी तसेच सोलापुरात सामाजिक सलोखा अबाधित राहावा यासाठी मेक इंडिया बेटर कॅम्पेन अंतर्गत या कार्यक्रमाचे आयोजन केले.
advertisement
अप्पर जिल्हाधिकारी सोलापूर मोनिका सिंग ठाकूर यांच्या हस्ते या उपक्रमाचा शुभारंभ करण्यात आला. यावेळी अप्पर जिल्हाधिकारी सोलापूर मोनिका सिंग ठाकूर यांच्यासह सर्व उपस्थित मान्यवरसह सर्वांनी मशीदबाबत अगदी उत्सुकतेने माहिती जाणून घेतली. प्रारंभी जमीयतच्या वतीने अप्पर जिल्हाधिकारी सोलापूर मोनिका सिंग ठाकूर यांच्यासह सर्व मान्यवरांचे पुष्पगुच्छ देऊन स्वागत करण्यात आले.
advertisement
हिंदू पंचांग नेमके कसे पाहतात, हे कुणी तयार केलं?, जाणून घ्या, याचे वैज्ञानिक आणि धार्मिक महत्त्व..
view commentsमस्जिद परिचय हा उपक्रम 15 ते 17 ऑगस्ट दरम्यान दुपारी साडेतीन ते रात्री 10 वाजेपर्यंत आयोजित करण्यात आला आहे. चार हुतात्मा चौक समोरील हाजी हजरत खान मशीद या ठिकाणी हे उपक्रम आयोजित केले आहे. ही मशीद तब्बल 105 वर्ष जुनी आहे. हे उपक्रम सर्वधर्मीय नागरिकांसाठी असून महिलांसाठी देखील मशीदीत प्रवेश खुला असणार आहे.
Location :
Solapur,Maharashtra
First Published :
Aug 16, 2024 8:08 PM IST
मराठी बातम्या/महाराष्ट्र/सोलापूर/
Solapur News : मशिदीत नेमकं काय असतं?, मुस्लिमेतर बांधवांनी जाणुन घेतले आतील उपक्रम
