ladki bahin yojana : लाडक्या बहिणींच्या खात्यात पैसे जमा, सोलापुरात एकमेकांना लाडू भरवून आनंद साजरा, VIDEO

दमाणी नगरात राहणाऱ्या महिलांना सकाळी 11 वाजण्याच्या सुमारास मोबाईलवर मेसेज आला. त्यांचा बँक खात्यात मुख्यमंत्री माझी लाडकी बहिण योजनेचे 3 हजार रुपये जमा झाले असल्याचे मेसेज आले. मुख्यमंत्री माझी लाडकी बहीण या योजनेचा पहिला हप्ता खात्यात जमा होताच महिलांनी दमाणी नगरात एकमेकांच्या तोंडात लाडू भरून आनंददेखील साजरा केला. पहिला आणि दुसरा असे एकत्रित 2 हप्ते लाभार्थी महिलांच्या खात्यात जमा झाले आहे. या मिळालेल्या पैशातून मुलांच्या शिक्षणावर खर्च करणार असल्याची माहिती महिलांनी दिली.

राज्यात आतापर्यंत 1 कोटी 6 लाख 40 हजारपेक्षा अधिक महिलांची नोंदणी पूर्ण झाली आहे. यातील जवळपास 1 कोटी 36 लाख पात्र महिला आहेत. अजुनही नोंदणी आणि पडताळणी प्रक्रिया सुरू आहे. तसेच ऑगस्ट महिन्यात फॉर्म भरलेल्या महिलांनाही जुलै आणि ऑगस्ट असे दोन महिन्याचे पैसे मिळणार आहेत.