शिवसेनेविरोधात भाजप-राष्ट्रवादीची युती, गोगावलेंच्या बालेकिल्ल्यात खेळी, तटकरेंचे शिंदेसेनेला चॅलेंज

मोहन जाधव, प्रतिनिधी, रायगड: रायगड जिल्ह्यातील महायुतीत जोरदार संघर्ष आहे. जिल्ह्यातील नगर पालिका निवडणुकीत राष्ट्रवादी काँग्रेसने शिवसेनेला बाजूला ठेवून भाजप सोबत युती केली. मंत्री भरत गोगावले यांच्या मतदारसंघातील महाड नगर पालिकेसाठी राष्ट्रवादी , भाजप युतीने आज जोरदार शक्तिप्रदर्शन करत उमेदवारी अर्ज दाखल केले. जाकमाता मंदिरापासून मिरवणूक काढण्यात आली. यामध्ये खासदार सुनील तटकरे , भाजपचे जिल्हाध्यक्ष आणि खासदार धैर्यशील पाटील उपस्थित होते. तटकरे यांनी यावेळी शिवसेनेच्या आमदारांनी केलेल्या वक्तव्याची दखल घेत चांगलेच सुनावले.