शर्लिन चोप्राने अखेर काढून टाकले हेव्ही ब्रेस्ट इम्प्लांट, काही महिन्यांपासून होता भयंकर त्रास

शर्लिनने उघड केलं की तिला अनेक महिन्यांपासून पाठ, छाती, मान आणि खांदेदुखीचा त्रास होत आहे. अनेक डॉक्टरांचा सल्ला घेतल्यानंतर समजलं की तिच्या लक्षणांचे कारण हेच इम्प्लांट्स होते. छातीवर सततचा दबाव आणि स्नायूंवरील ताण यामुळे तिचं आयुष्य कठीण झालं होतं. शर्लिनने याआधी सोशल मीडियावर एक व्हिडीओ शेअर करत तिला होणाऱ्या त्रासाबाबत चाहत्यांना सांगितलं होतं. तसेच यावेळीच तिने हेव्ही ब्रेस्ट इम्प्लांट काढून टाकणार असल्याचंही बोलली होती. शर्लिनला चाहते आता आराम करण्याचा सल्ला देत आहे. तसेच तिच्या प्रकृतीत लवकर सुधारणा व्हावी यासाठी प्रार्थना करत आहेत.

स्त्रीरोग विशेषज्ञ डॉ. ईशा नंदल यांच्या मते, ब्रेस्ट इम्प्लांट्समुळे छातीवर अतिरिक्त भार पडतो. ज्यामुळे वरच्या शरीरातील स्नायूंवर ताण येतो आणि झोपेच्या तक्रारीही होऊ शकतात. शस्त्रक्रियेनंतर शर्लिन आता आपल्या प्रकृतीची काळजी घेत आहे. तसेच लेटेस्ट फोटोमध्ये अभिनेत्री आनंदी दिसत आहे.