‘गोविंदा रे गोपाळा…’ शाळेच्या विद्यार्थ्यांनी फोडली दहीहंडी; चिमुरडी बनली कृष्ण Video

डोंबिवली, 7 सप्टेंबर : प्रत्येक शाळेत वेगवेगळे उपक्रम राबविले जातात. प्रत्येक शाळा आपल्या विद्यार्थ्यांसाठी आठवणींचा कप्पा असते. शाळेतून बाहेर पडल्यानंतर देखील आमच्या शाळेत आम्ही असा सण साजरा करत असे अशी एक आठवण हमखास सांगितली जाते. त्यासाठीच डोंबिवलीतील विद्यानिकेतन शाळेत विविध उपक्रम राबवले जातात. आज सर्वत्रच गोकुळाष्टमी साजरी करण्यात येत असून डोंबिवलीतील विद्यानिकेतन शाळेत देखील चिमुरड्यांसह मुख्याध्यापक आणि शिक्षकांनी दहीहंडी फोडून गोकुळाष्टमी साजरी केली.