तीच चव अन् तीच फिलिंग, कल्याणमध्येही मिळते शेगाव कचोरी, 15 वर्षांच्या व्यवसायाची प्रेरणादायी गोष्ट!

कल्याण : शेगाव हा शब्द कानावर पडल्यावर गजानन महाराज आणि शेगावची फेमस शेगाव कचोरी आपल्याला नक्की आठवतात. हीच फेमस आणि अस्स्स्ल चवीची शेगाव कचोरी कल्याणमध्येही मिळते. मागील 15 वर्षांपासून किशोर गेहाने हे कल्याणमध्ये शेगाव कचोरी सेंटर चालवत आहेत.

किशोर गेहाने हे मूळचे शेगावचे आहेत. आधी ते शेगावच्या कँटीनमध्ये काम करायचे. तिथेच ते कचोरी बनवायचे तंत्र शिकले. कल्याणवरून गजानन महाराजांची पालखी येते. त्यामुळे त्यांची गाठ कल्याणच्या माणसांशी जुळली आणि त्यांनी कल्याणमध्ये यायचं ठरवलं आणि येथेच ते कचोरी विकू लागले. जेव्हा त्यांनी कचोरी विकायला सुरुवात केली तेव्हा एका कचोरीची किंमत 7 रुपये होती. आता कचोरीची किंमत 14 रुपये आहे.