Water Supply: कल्याण एमआयडीसीत लागणार पाणीबाणी! बारवी धरणातील पाणी 24 तासांसाठी बंद, कारण काय?

कल्याण : कल्याण-डोंबिवलीसह अनेक ठिकाणच्या एमआयडीला होणाऱ्या पाणी पुरवठ्याबाबत एक महत्त्वाची बातमी समोर आली आहे. समोर आलेल्या माहितीनुसार, महाराष्ट्र औद्योगिक विकास महामंडळ 18 ते 19 सप्टेंबर (गुरुवार आणि शुक्रवार) रोजी बारवी जलवाहिनीच्या देखभाल आणि दुरुस्तीचं काम करणार आहे. त्यामुळे उल्हासनगर, बदलापूर, अंबरनाथ, अंबरनाथ औद्योगिक क्षेत्र, महाराष्ट्र जीवन प्राधिकरणाचा पाणीपुरवठा बंद राहील. याशिवाय, अंबरनाथ, बदलापूर ग्रामीण भागातील गावांना होणारा पाणीपुरवठा गुरुवारी रात्री 12 ते शुक्रवारी रात्री 12 या कालावधीत बंद राहील.