Kalyan News : मोठी बातमी! कल्याणमधील शहाड उड्डाण पूल 15 दिवस बंद; कुठून कराल प्रवास,पर्यायी मार्ग कोणता?

या पुलावरून दररोज मोठ्या प्रमाणात वाहतूक होत असते. कल्याणहून मुरबाडमार्गे माळशेज, अहिल्यानगर, जुन्नर भागाकडे जाणारी आणि येणारी वाहने याच पुलावरून जातात. त्यामुळे हा पुल वाहतुकीच्या दुष्टीने महत्त्वाचा आहे तसेच म्हारळ ते मुरबाड तालुका हद्दीतील गावांमधील नोकरीसाठी जाणारे, व्यावसायिक तसेच कल्याण कृषी उत्पन्न बाजार समितीत भाजीपाला आणि फळे आणणारी वाहने याच पुलाचा वापर करतात. पुलावर अनेक खड्डे पडले असून सांधे जोड खराब झाल्याने पावसाचे पाणी आत मुरले आहे. त्यामुळे पुलाला गळती लागून रस्ता अधिकच खराब झाला आहे. यामुळे नेहमी वाहतूक कोंडी होत असल्याने पुलाची दुरुस्ती तातडीची झाली होती.

1)मुरबाड, माळशेज घाटाकडून शहाड पुलाकडे येणारी वाहने

2)मुरबाड तालुक्यातून शहाड पुलाकडे येणारी वाहने

3)कल्याण, भिवंडी, ठाणेकडून शहाड पुलावरून मुरबाड आणि माळशेजकडे जाणारी वाहने

दुरुस्तीच्या काळात सकाळी 6 ते 11 आणि संध्याकाळी 5 ते रात्री 10 वाजेपर्यंत अवजड आणि जड वाहनांना पर्यायी रस्त्यांवर प्रवेश बंद राहणार आहे.परंतू, अत्यावश्यक सेवेच्या वाहनांना या नियमातून सूट देण्यात आली आहे. शहाड उड्डाण पुलाच्या दुरुस्तीमुळे नागरिकांना काही दिवस अडचणींचा सामना करावा लागेल पण पुढील काळात या पुलावरून वाहतूक अधिक सुरक्षित आणि सुरळीत होईल.