गुजराती कुंभारवाड्यात मराठी मुली; कसं करतायत गरबा सजावट काम पाहा Video

कल्याण, 7 ऑक्टोबर : नवरात्र हा उत्सव सर्वत्र साजरा केला जातो. यावेळी गुजराती मंडळी सजवलेलं मडक विकत घेतात. या मडक्यात दिवा ठेवला जातो. त्यानंतर या मडक्याला गरबा असे म्हणतात. तर मराठी मंडळी या सजवलेल्या मडक्यात धान्य उगवण्यासाठी ठेवतात. घागर किंवा मडक हे शुभ प्रतीक आहे. नऊ दिवस तेवत राहणारा दिवा या मडक्यात ठेवला तर तो विझत नाही अशी देखील एक समजूत आहे. म्हणून नवरात्रात सजवलेल्या मडक्यांना अधिक मागणी असते. सध्या या मडक्यांच्या सजावटीचं काम कल्याण पश्चिम परिसरातील गुजराती कुंभारवाड्यात केले जात आहे. या मडकी आकर्षक पद्धतीने सजवल्या असून नवरात्रासाठी मडकी घेण्याची कल्याण डोंबिवलीच्या गर्दी झाली आहे.