काळा घोडा कला महोत्सवाच्या निधी संकलनासाठी राहुल देशपांडे यांच्या मैफिलीचे आयोजन, कधी होणार कार्यक्रम?

ही मैफिल काळा घोडा कला महोत्सवाचा समृद्ध वारसा जतन करण्यासाठी आणि महत्त्वपूर्ण जीर्णोद्धार प्रकल्पांना निधी देण्यासाठी, तसेच दक्षिण मुंबई परिसराच्या सांस्कृतिक ठेव्याचे रक्षण करण्यासाठी निधी गोळा करण्याच्या उद्देशाने आयोजित करण्यात करण्यात आलेली आहे.

यानिमित्ताने प्रख्यात गायक राहुल देशपांडे यांचा कलेक्टिव्ह कॉन्सर्ट आम्ही आयोजित केला आहे. या मैफिलीचे उद्दिष्ट्य काळा घोडा कला महोत्सवाच्या संस्कृतीसाठी निधी गोळा करण्याचे आहे. आमचे सहयोगी, संरक्षक आणि प्रेक्षकांच्या अतुलनीय पाठिंब्यामुळेच आम्ही हा अनोखा खजिना जतन करीत आहोत, असे आयोजकांच्या वतीने सांगण्यात आले आहे.

यावर्षी, आम्ही CSMVS प्राचीन जागतिक गॅलरी प्रकल्प देखील साजरा करत आहोत, CSMVS संग्रहालयातील "प्राचीन शिल्पे" नावाच्या प्रदर्शनाचा समारोप राहुल देशपांडे यांच्या या मैफिलीने केला जात आहे, असेही सांगण्यात आले आहे.

दक्षिण मुंबईच्या काळा घोडा घोडा परिसरासह आजूबाजूच्या परिसरातही आयोजित या महोत्सवाचा उद्देश्य सर्वांसाठी कलांचा प्रचार, जतन आणि प्रसार करणे हा आहे. 1999 मध्ये स्थानिक कार्यक्रम म्हणून काळा घोडा कला महोत्सवाला अत्यंत छोटेखानी स्वरुपात सुरुवात झाली होती आज हा महोत्सव देशातील एक महत्वाचा आणि जास्त काळ चालणारा उत्सव बनला आहे. या कला महोत्सवात मुंबई आणि आसपासच्या लाखों कला प्रेमींनी आजवर भेट दिली असून कला प्रेमी प्रत्येक वर्षी या कला महोत्सवाची आतुरतेने वाट पाहात असतात.

14 वेगवेगळ्या श्रेणींमध्ये 300 पेक्षा अधिक कार्यक्रमांसह यंदाच्या कला महोत्सवाचे आयोजन करण्यात आलेले आहे. गेल्या 24 वर्षांपासून हा महोत्सव सुरू असून आता रौप्यमहोत्सवी वर्षात पदार्पण करीत आहे. यंदाच्या महोत्सवात व्हिज्युअल आर्ट्स, नृत्य, संगीत, थिएटर, साहित्य, सिनेमा, हेरिटेज वॉक, शहरी रचना आणि वास्तुकला, स्टँड अप, वेगवेगळे खाद्य पदार्था इत्यादींचा समावेश आहे.

वेबसाइट : www.kalaghodaassociation.com

फेसबुक : https://www.facebook.com/kalaghodaartsfestival

ट्विटर: https://twitter.com/kgafest

इंस्टाग्राम: https://www.instagram.com/kgafest