चौकीदारच निघाला चोर! रातोरात फोडली 14 दुकानं, ठाणे आणि मुंबईतील धक्कादायक घटना

ठाणे: एकाच रात्रीत 14 दुकानांचे शटर उचकटून चोरी झाल्याची घटना ठाण्यातील नौपाडा येथे नुकतीच घडली होती. या प्रकरणी ठाणे गुन्हे अन्वेषण विभागाने तपासाची चक्रे फिरवली आणि 2 अट्टल चोरट्यांना अटक केलीये. महंत कामी (वय 23) आणि विष्णू कामी (36) अशी नेपाळी चोरट्यांची नावे असून ते दिवसा सुरक्षा रक्षक तर रात्री चोरी करत होते. चौकशीत ठाणे, मुंबई परिसरातील 9 गुन्ह्यांची उकल झाली असून त्यांच्याकडून मोबाईलसह सुमारे 2 लाख 60 हजारांचा मुद्देमाल हस्तगत केला आहे.