Ashok Kharat Case: अशोक खरात प्रकरणात 'कोटींची डील'? तृप्ती देसाई आणि चाकणकरांच्या 'सेटलमेंट'चा मोठा आरोप; SIT चौकशीची मागणी!

अभिजीत पोते, प्रतिनिधी, पुणे: कॅप्टन अशोक खरात प्रकरण आता एका वेगळ्याच वळणावर आले आहे. नाशिकमध्ये एसआयटी कडून अशोक खरात आणि इतरांची कसून चौकशी सुरू आहे. त्याच वेळी या लैंगिक शोषण, आर्थिक फसवणूक प्रकरणात नवनवीन गोष्टींचा खुलासा होत आहे. तर, दुसरीकडे राजकारणही चांगलंच तापू लागलं आहे. या प्रकरणात आक्रमक भूमिका घेणाऱ्या तृप्ती देसाई यांनीदेखील आर्थिक व्यवहार करत खरातला अभय दिल्याचा आरोप करण्यात आला आहे. तृप्ती देसाईंची एसआयटी चौकशी करण्याची मागणी राष्ट्रवादी काँग्रेसच्या नेत्या रुपाली पाटील यांनी केली आहे.