Palghar: आठवडी बाजार घरी न्यायचाच राहिला, 24 वर्षीय पोराचं पिकअप शिकणं दोघींच्या जिवावर बेतलं, पालघरमधील घटना

पिकअप चालवणारा एक २४ वर्षीय शिकाऊ तरुण होता. पिकअप चालवत असताना अचानक त्यांचं गाडीवरच नियंत्रण सुटलं आणि रस्त्यावरून समोरून येणाऱ्या दोन्ही महिलांना चिरडून पिकअप रस्त्याच्या बाजूला असलेल्या झाडाला आदळला. घटनास्थळी स्थानिकांनी धाव घेतली आणि चालकाला पकडलं. घटनेची माहिती तातडीने पोलिसांना देण्यात आली. पोलिसांनी घटनास्थळी धाव घेतली. दोन्ही मृत महिलेचे मृतदेह हे शासकीय रुग्णालयात शवविच्छेदनासाठी पाठवण्यात आले आहे. पालघर पोलिसांनी पिक अप चालकाला ताब्यात घेतलं असून सध्या पालघर पोलिसांकडून पुढील तपास सुरू आहे.