Raj Thackeray :मोर्चा टळला पण ठाकरे एकत्र येणार, उद्धव यांच्या हाकेला राज ठाकरेंचा प्रतिसाद; 5 जुलैबाबत दिली मोठी अपडेट

मुंबई : राज्यात पहिलीपासून त्रिभाषा सक्तीचा जीआर रद्द करण्याची घोषणा राज्य सरकारने केली. त्यानंतर मनसे अध्यक्ष राज ठाकरे यांनी 5 जुलै रोजी मुंबईत मोर्चाची घोषणा केली होती. राज ठाकरे यांच्या या हाकेला शिवसेना ठाकरे गट आणि इतर पक्ष, संघटनांनी साद देत मोर्चात सहभागी होण्याची तयारी दर्शवली. जीआर रद्द झाल्यानंतर आता 5 जुलै रोजीचा मोर्चा आता विजयी मेळावा म्हणून आयोजित करण्यात येणार आहे. ५ तारखेला जल्लोष मोर्चा होणार अशी घोषणा शिवसेना पक्षप्रमुख उद्धव ठाकरे यांनी केली होती. त्यानंतर आता राज ठाकरे यांनीदेखील त्याला दुजोरा दिला आहे. त्यामुळे आता उद्धव आणि राज हे दोन्ही भाऊ एकाच मंचावर अनेक वर्षांनी दिसणार आहेत.