Dahisar Toll Naka: जागा ठरली, दिवाळीपूर्वीच दहिसर टोल नाका शिफ्ट होणार, परिवहन मंत्र्यांनी सांगितलं लोकेशन

मुंबई: मुंबई महानगर क्षेत्रांत प्रवेश करताना मीरा-भाईंदर शहराच्या वेशीवर असलेल्या दहिसर टोल नाक्या मूळे नागरिकांना मोठ्या प्रमाणावर वाहतूक कोंडी होऊन अनावश्यक इंधनाचा अपव्यय होतो. तसेच वाहनांच्या प्रदुषणामुळे पर्यावरणाची देखील हानी होते. यासाठी दहिसर टोल नाका तेथून पुढे 2 किलोमीटर अंतरावरील वर्सोवा पुलासमोरील नर्सरी जवळ दिवाळीपूर्वी स्थलांतरित करण्यात येणार आहे, अशी माहिती परिवहन मंत्री प्रताप सरनाईक यांनी दिली. उपमुख्यमंत्री एकनाथ शिंदे यांच्यासोबत झालेल्या बैठकीत या निर्णयावर शिक्कामोर्तब झाले.