Uddhav Thackeray: संजय राऊतांच्या घरी दिल्लीत काय शिजलं? खासदारांच्या 'मन की बात'ने ठाकरे अलर्ट मोडवर, मातोश्रीवर आज तातडीनं खलबतं

मुंबई : राज्याच्या राजकारणात सध्या 'ऑपरेशन टायगर'ची जोरदार चर्चा सुरू असतानाच, शिवसेना (ठाकरे गट) पक्ष प्रमुख उद्धव ठाकरे यांनी आज दुपारी पक्षाच्या सर्व खासदारांची तातडीची बैठक बोलावली आहे. या बैठकीमुळे राजकीय वर्तुळात तर्कवितर्कांना उधाण आले असून, पक्षांतर्गत नाराजी चव्हाट्यावर येण्याची शक्यता वर्तवण्यात येत आहे. काही दिवसांपूर्वीच शिवसेना शिंदे गटाचे मुख्य नेते, उपमुख्यमंत्री एकनाथ शिंदे हे दिल्ली दौऱ्यावर गेले होते. त्यांच्या या दौऱ्यानंतर पुन्हा एकदा ऑपरेशन टायगरची चर्चा सुरू झाली होती. आता उद्धव ठाकरे यांनी बैठक बोलावल्याने राजकीय वर्तुळात चर्चांना उधाण आले आहे.