Walmik Karad : टायरे जाळले, टॉवरवर चढले, अंगावर रॉकेल ओतून...,7 मुद्यांमध्ये समजून घ्या धगधगत्या परळीत काय सूरू आहे?

वाल्मिक कराडच्या सुटकेसाठी त्यांच्या मातोश्री पारूबाई कराड या मैदानात उतरल्या होत्या. पारूबाई यांनी कराड समर्थकांसह आज पोलिस ठाण्याबाहेर सकाळपासूनच ठिय्या आंदोलनाला सुरूवात केली होती.यावेळी त्याची साथ द्यायला कराडच्या पहिल्या पत्नी आणि सून देखील उपस्थित होत्या. या दरम्यान तब्बल 3 तास आंदोलन सूरू असताना पारूबाई कराड यांना भोवळ आली होती.त्यामुळे त्यांची प्रकृती बिघडली होती.

दरम्यान कराड समर्थकांनी आज परळीत जोरदार आंदोलन केलं होतं. परळी टॉवर या ठिकानी जरांगे पाटील, सुरेश धस,संदीप क्षीरसागर,जितेंद्र आव्हाड,अंजली दमानिया यांना कराड समर्थकांनी श्रद्धांजली वाहून अनोखे आंदोलन करण्यात आले. तसेच वैद्यनाथ मंदिराच्या कमानीवर चढून कराड समर्थकांनी आंदोलन करत निशेष नोंदवला होता. तसेच बीडच्या परळी मध्ये कराड समर्थक आक्रमक संदीप क्षीरसागर सुरेश धस यांचा फोटोला जोडे मारून निषेध नोंदवण्यात आला होता. एका कराड समर्थक महिलेने अंगावर रॉकेल घेऊन स्वतःला पेटवून घेण्याचा प्रयत्न केला. तसेच परळी बीड राष्ट्रीय महामार्गावर टायर पेटून निषेध नोंदवण्यात आला.

त्यांचा (वाल्मिक कराड ) खंडणी आणि खून प्रकरणात कुठलाही सहभाग नाही पण आंदोलन आणि वेठीस धरून गुन्हा दाखल होणार असतील तर हे प्रकार चांगले नाहीत. जाणून बुजून कारवाई करायला लावणार असतील तरे हे थांबले पाहिजे.

पोलीस आणि सरकार अशी कारवाई कशामुळे करतंय, असे विचारले असता त्या म्हणाल्या- पूर्णपणे या प्रकरणात जातीयवाद केला जातोय. जातीवादाशिवाय दुसरा काहीही विषय नाही. गुन्हेगाराला जात नसते. पोलिसांना तपास करायचा असल्यास करावा पण जात मध्ये आणून तुम्ही काय साध्य करताय. ते दोषी नाहीयेत, अशी बाजू वाल्मिक कराडच्या पत्नीने माध्यमांसमोर मांडली.

दरम्यान वाल्मिक कराड यांना खंडणी प्रकरणात 14 दिवसांची पोलीस कोठडी सुनावण्यात आली होती. आज याची मुदत संपत असल्याने केजच्या न्यायालयात हजर करण्यात आले होते. यावेळी न्यायालयाने त्यांना 14 दिवसांची न्यायालयीन कोठडी सुनावली आहे. यासोबत त्यांच्यावर मकोकही दाखल करण्यात आला आहे.

खंडणी प्रकरणात न्यायालयाने वाल्मिकला १४ दिवसांची न्यायालयीन कोठडी दिली. परंतु त्याचवेळी एसआयटीने हत्येच्या कटात सहभागी असल्याचा ठपका ठेवून त्याप्रकरणी चौकशी करायची आहे, असे सांगून कोठडीची मागणी केली आहे. वाल्मिक कराड याच्यावर 302 च्या गुन्ह्यात मकोकाअंतर्गत कारवाई करण्यात आल्याची माहिती सरकारी वकील जे. बी. शिंदे यांनी दिली.

दरम्यान कोर्टाने वाल्मिक कराडला 14 दिवसांची न्यायालयीन कोठडी सुनावल्यानंतर कराड समर्थक चांगलेच आक्रमक झाले होते. यावेळी कराड सरर्थकांनी परळी बंदची हाक दिली होती. त्यामुळे परळीच वातावरण चांगलच चिघळलं आहे .