पेन ड्राईव्ह उद्धव ठाकरेंकडे, अरविंद सावंतांवर गंभीर आरोप, ठाकरे सेनेला धक्का, नेत्याचा राजीनामा

नरेंद्र मते, प्रतिनिधी, वर्धा : वर्ध्याच्या राजकारणात आरोप प्रत्यारोपांची मालिका वेगात सुरू असून जिल्ह्यात राजकीय वातावरण चांगलेच तापले आहे. नगरपरिषद निवडणुकांच्या पार्श्वभूमीवर शिवसेना ठाकरे गटातून मोठी घडामोड समोर आली आहे. अनेक इच्छुक कार्यकर्त्यांनी उमेदवारीची अपेक्षा व्यक्त केली असतानाही मुंबई आणि जिल्ह्यातील ज्येष्ठ नेत्यांच्या गटबाजीमुळे अनेकांना ए–बी फॉर्म नाकारण्यात आल्याचा गंभीर आरोप करण्यात आला आहे. या संदर्भातील पुरावे त्यांनी पक्षप्रमुख उद्धव ठाकरे यांच्याकडे दिले आहेत. जिल्ह्यात झालेल्या राजकारणाच्या पार्श्वभूमीवर वर्धा उपजिल्हा प्रमुख निहाल पांडे यांनी आपल्या पदाचा राजीनामा जाहीर केला आहे.