मुंबई: बंगालच्या उपसागरात कमी दाबाचा पट्टा तयार झाला आहे. त्याची तीव्रता वाढत आहे. हा कमी दाबाचा पट्टा हळूहळू पश्चिमेकडे पुढे सरकत आहे. त्याचा परिणाम थेट महाराष्ट्रावर होणार आहे. महाराष्ट्रात पुढचे चार दिवस मुसळधार ते अति मुसळधार पाऊस राहणार आहे. २६ सप्टेंबर रोजी रात्री १२.३० वाजता ही 'डिप्रेशन' प्रणाली वायव्य आणि लगतच्या पश्चिम-मध्य बंगालच्या उपसागरात, दक्षिण ओडिशा आणि उत्तर आंध्र प्रदेशच्या किनाऱ्याजवळ केंद्रित झाली आहे अशी माहिती हवामान विभागाने दिली.