1,00,00,00,00,000 चा घोटाळा, ज्यानं राजकारण ढवळून निघालं, महाराष्ट्र सदन प्रकरणाची Inside Story

Maharashtra Sadan Scam : राजकारणात आरोप-प्रत्यारोप होणं नवीन नाही. मात्र काही प्रकरणं अशी असतात जी संपूर्ण राज्याचं राजकारण ढवळून काढतात. असंच एक बहुचर्चित प्रकरण म्हणजे 'महाराष्ट्र सदन घोटाळा'. तब्बल १० हजार कोटींच्या भ्रष्टाचाराचा आरोप, सक्तवसुली संचालनालयाची (ED) एन्ट्री आणि अनेक वर्षांची कायदेशीर लढाई... या सगळ्याचा शेवट आता छगन भुजबळ यांच्या निर्दोष सुटकेने झाला आहे. पण तुम्हाला माहिती आहे का, हा वाद नक्की काय होता? दिल्लीत उभ्या राहिलेल्या त्या देखण्या इमारतीमागे असं काय घडलं होतं की मंत्र्यांना थेट तुरुंगात जावं लागलं? सोप्या भाषेत समजून घेऊया या प्रकरणाची 'इनसाईड स्टोरी'.