महाराष्ट्राचा 'सोंगाड्या' झाला पद्मश्री, गावगाड्यातील तमाशा सम्राट रघुवीर खेडकर आहेत तरी कोण ?

प्रजासत्ताक दिनाच्या पूर्वसंध्येला देशातील 2026 च्या पद्म पुरस्कारांची घोषणा करण्यात आली आहे. यामध्ये महाराष्ट्रातील लोकनाट्य क्षेत्रातील तमाशा कलाकार रघुवीर खेडकर यांचा समावेश आहे.  लोककला, लोकनाट्य जपण्यात त्यांनी दिलेल्या योगदानाबद्दल त्यांचा सन्मान होत आहे. याशिवाय महाराष्ट्रातीलच अर्मिडा फर्नांडीस यांनाही पद्मश्री पुरस्कार जाहीर करण्यात आला आहे. त्यांनी वैद्यकीय क्षेत्रात उल्लेखनीय कामगिरी केलेली आहे. परभणीचे प्रयोगशील शेतकरी श्रीरंग लाड यांना पद्मश्री पुरस्कार जाहीर करण्यात आला आहे. त्यांनी कापूस पिकाच्या उत्पन्न वाढीसाठी विशेष संशोधन केलेले आहे. त्यांच्याच कामाची दखल घेत केंद्र सरकारने त्यांना पद्मश्री पुरस्कार जाहीर केला आहे. पालघरमधील वारlली संगीतकार भिकल्या लाडक्या धिंडा यांनाही पद्म पुरस्कार जाहीर झाला आहे.

आई कांताबाई सातारकर यांनी स्वबळावर सुरू केलेल्या तमाशा मंडळाची धुरा ते यशस्वीपणे सांभाळत आहेत. उत्तम सोंगाड्या म्हणूनही त्यांचा लौकिक आहे. दिल्ली येथे झालेल्या राष्ट्रकुल क्रीडा स्पर्धाप्रसंगी दिल्ली येथे तमाशा सादर करण्याचा बहुमान त्यांना मिळाला होता. चंदिगड येथे संगीत नाटक अकादमी, मुंबई विद्यापीठ येथेही त्यांनी तमाशा सादर केला आहे. एक प्रयोगशील तमाशा फड मालक आणि कलाकार म्हणून त्यांची ख्याती आहे.