फक्त 4 तासांत तब्बल 3 हजार रुपयांची कमाई, इंजीनिअर तरुणाला नोकरी न मिळाल्याने घेतला अनोखा निर्णय

सकाळी 9 वाजता तो घरी सामान तयार करायला सुरुवात करतो. वर्षभर तो दोन फ्लेवरची पाणीपुरी विकतो. तर वेगवेगळ्या सीजनच्या फळानुसारही पाणी बनवतो. झारखंडच्या गोड्डा येथील जुन्या जिल्हाधिकारी कार्यालयाजवळ तो स्टॉल लावतो. या स्टॉलवर तीन वेगवेगळ्या फ्लेवरच्या पाण्याबरोबरच पाणीपुरीचा मसालाही खास आहे. हा मसाला वाटाणा, हरबरे आणि बटाट्यापासून तयार केला जातो. याठिकाणी 10 रुपयाला 4 पाणीपुरी मिळतात.

अजय कुमार साह या तरुणाच्या पाणीपुरी स्टॉलला लोकांचा चांगला प्रतिसाद मिळत आहे. पाणीपुरी खायला आलेल्या रामानुजन यांनी सांगितले की, खूप दिवसांपासून ते या स्टॉलवर पाणीपुरी खात येत आहेत. वर्षभरापूर्वी जेव्हा हा स्टॉल भागलपूर रोड याठिकाणी लावला जात होता, तेव्हापासून या स्टॉलवर चविष्ट पाणीपुरी मिळते.

याठिकाणी तीन प्रकारची पाणीपुरी दिली जाते. यामध्ये धणे-पुदिन्याचे पाणी, कैरीचे पाणी आणि आंबट-गोड पाणी ग्राहकांना खूप आवडत आहे. सायंकाळी 4 वाजता हा स्टॉल लावला जातो आणि रात्री 8 वाजेपर्यंत याठिकाणी खवय्यांची गर्दी असते. नोकरी मिळाली नाही म्हणून निराश न होता या तरुणाने स्वत:चा व्यवसाय सुरू केला आणि आज तो चांगली कमाई करत आहे.