वीज बिलाच्या टेन्शनमधून होईल शेतकऱ्याची सुटका! 'या' सरकारी योजनेला जबरदस्त प्रतिसाद

बीड, 9 सप्टेंबर: केंद्र आणि राज्य सरकारच्या वतीने शेतकऱ्यांसाठी विविध योजना राबवल्या जात आहेत. यापैकीच एक पंतप्रधान कुसुम सोलार पंप योजना देखील आहे. शेतकऱ्यांच्या पाण्याचा प्रश्न सुटावा, विजेचा भार कमी व्हावा आणि सौर कृषी पंपाचे प्रमाण वाढावे यासाठी पंतप्रधान कुसुम सोलार योजना सुरू करण्यात आली आहे. या योजनेचा लाभ राज्यातील अनेक शेतकरी सध्या घेताना दिसत आहेत. राज्यासाठी या योजनेतून एक लाख एवढे उद्दिष्ट ठरविले. मात्र एकट्या बीड जिल्ह्यातून आतापर्यंत एक लाख 40 हजार अर्ज प्राप्त झाले आहेत. अर्थात शेतकऱ्यांची या योजनेला मोठी पसंती मिळत आहे.