लाल नाहीतर पांढरी स्ट्रॉबेरी, बाजारात मिळतोय तिप्पट दर; पाहा शेतकऱ्यानं कशी केली शेती video

सातारा : स्ट्रॉबेरी म्हटलं की रंगाने लाल आणि चवीने थोडी आंबट हे आपल्याला माहिती आहे. साताऱ्यातील महाबळेश्वर, भीलार, वाई भागात लाल स्ट्रॉबेरीचे मोठ्या प्रमाणात उत्पन्न घेतलं जाते. मात्र, सातारा जिल्ह्यातील एका शेतकऱ्याने पांढऱ्या रंगाच्या स्ट्रॉबेरीच यशस्वी प्रयोग करून दाखवत पांढऱ्या स्ट्रॉबेरीची शेती केली आहे. विशेष म्हणजे पांढरी स्ट्रॉबेरी विकायला सुरुवात देखील केली आहे.

साताऱ्यातील वाई फुलेनगर येथील प्रयोगशील शेतकरी उमेश खामकर यांनी अर्ध्या एकरामध्ये चक्क पांढऱ्या स्ट्रॉबेरीची लागवड केली आहे. या स्ट्रॉबेरीची त्यांनी बाजारात विक्री देखील सुरु केली आहे. लवकरच या अनोख्या पांढऱ्या स्ट्रॉबेरीची लवकरच ऑनलाईन विक्री देखील केली जाणार आहे. या स्ट्रॉबेरीचे खास वैशिष्ट्ये म्हणजे याची किंमत 1000 पासून 1500 रुपये किलोपर्यंत आहे. या स्ट्रॉबेरीचे लाल स्ट्रॉबेरीच्या उत्पन्नापेक्षा सहा पट जास्त फायदा शेतकऱ्याला होणार आहे, असे देखील प्रगतशील शेतकरी उमेश खामकर यांनी सांगितलं आहे.