Budget 2025: बजेटसाठी थेट मोदींनी घेतली बैठक, करदात्यांना मिळणार गिफ्ट; स्लॅब होणार मोठे बदल

सरकार बजेटमध्ये करांमध्ये सवलत जाहीर करू शकते. सूत्रांनी दिलेल्या माहितीनुसार, बाजारात मागणीला चालना देण्यासाठी आणि आर्थिक वाढ होण्यासाठी बजेटमध्ये विविध उपाय जाहीर केले जाऊ शकतात. यामागचे सर्वात महत्त्वाचे कारण म्हणजे मंदावलेली अर्थव्यवस्था होय. अर्थव्यवस्थेत गती येण्यासाठी या अर्थसंकल्पातून बुस्टर डोस देण्याचा सरकारचा प्रयत्न आहे.

गेल्या आठवड्यात पंतप्रधान कार्यालयात झालेल्या बैठकीत बजेट संदर्भात चर्चा करण्यात आली. बजेटच्या आधी अशा अनेक बैठका होण्याची शक्यता आहे. आर्थिक वर्ष 2026चे बजेट 1 फेब्रुवारीला सादर होणार आहे. महाराष्ट्र व हरियाणातील विधानसभा निवडणुकांतील विजयानंतर मोदी सरकार या बजेटमध्ये सुधारणा, व्यवसाय सुलभता आणि सामान्य नागरिकांचे जीवनमान उंचावण्यासाठी उपाय योजना करतील. बजेटच्या आधी झालेल्या बैठकीत नेमकी याच बाबतीच चर्चा झाली असून सर्व सामान्य जनतेला खुश करणारा हा अर्थसंकल्प असणार असण्याची शक्यता आहे, असे सूत्रांनी सांगितले.