Budget 2026: 1 फेब्रुवारी रविवार.... मग कधी सादर होणार बजेट?

केंद्र सरकार सध्या २०२६ च्या अर्थसंकल्पाच्या तयारीला वेग देत असून, सूत्रांनी दिलेल्या माहितीनुसार, १ फेब्रुवारी २०२६ रोजीच अर्थसंकल्प सादर करण्याचे सरकारचे नियोजन आहे. विशेष म्हणजे या दिवशी रविवार सुट्टीचा दिवस असूनही अर्थसंकल्पाच्या तारखेत कोणताही बदल करण्याचे संकेत सध्या तरी दिसत नाहीत. या महत्त्वाच्या निर्णयामुळे अर्थ मंत्रालयातील अधिकारी आणि कर्मचारी आता युद्धपातळीवर काम करत आहेत, जेणेकरून परंपरा जपली जाईल आणि अर्थसंकल्प वेळेत संसदेत मांडता येईल.

थोडक्यात सांगायचे तर, रविवार असला तरी सरकार आपली परंपरा मोडण्याच्या मनस्थितीत नाही. जोपर्यंत अधिकृत पत्रक येत नाही, तोपर्यंत १ फेब्रुवारी २०२६ हीच अर्थसंकल्पाची फायनल तारीख मानली जात आहे.