दहावी-बारावी विद्यार्थ्यांसाठी सुवर्णसंधी! आधार केंद्रात मोठ्या प्रमाणावर नोकऱ्या; अर्ज प्रक्रिया वाचा एका क्लिकवर
Last Updated:
Aadhaar recruitment 2026 : आधार सुपरवायझर आणि ऑपरेटर पदांसाठी CSC ई-गव्हर्नन्समार्फत मोठी भरती जाहीर झाली आहे. दहावी, बारावी आणि ITI उत्तीर्ण उमेदवारांसाठी ही उत्तम संधी असून अर्जाची अंतिम तारीख 31 जानेवारी 2026 आहे.
नवीन वर्षाच्या सुरुवातीलाच नोकरीच्या शोधात असलेल्या तरुणांसाठी एक दिलासादायक आणि आनंदाची बातमी समोर आली आहे. आधार सुपरवायझर आणि आधार ऑपरेटर पदांसाठी मोठ्या प्रमाणावर भरती जाहीर करण्यात आली असून, दहावी, बारावी आणि ITI उत्तीर्ण उमेदवारांसाठी ही सुवर्णसंधी आहे.
आधार केंद्रात देशभर भरती; अर्ज कसा करायचा ते पाहा
ही भरती CSC ई-गव्हर्नन्स सर्व्हिसेस इंडिया यांच्या माध्यमातून केली जाणार आहे. विशेष बाब म्हणजे ही भरती देशभरातील विविध जिल्ह्यांमध्ये होणार असल्याने स्थानिक पातळीवरील तरुणांना रोजगाराची मोठी संधी उपलब्ध होणार आहे.
आधार सुपरवायझर,ऑपरेटर भरती 2026 अंतर्गत एकूण सुमारे 282 पदे भरली जाणार आहेत. ही पदे जिल्हा आणि तालुका स्तरावर असल्यामुळे स्थानिक उमेदवारांना प्राधान्य मिळण्याची शक्यता आहे.
advertisement
उत्तर प्रदेश, मध्य प्रदेश, महाराष्ट्र, पंजाब, बिहार, झारखंड, राजस्थान, तमिळनाडू, कर्नाटक, केरळ अशा अनेक राज्यांमध्ये ही भरती प्रक्रिया राबवली जाणार आहे. महाराष्ट्रात सुमारे 20 पदे, मध्य प्रदेशात 28, उत्तर प्रदेशात 23 तर पंजाबमध्ये 12 पदे निश्चित करण्यात आली आहेत.
अर्ज करण्यासाठी उमेदवाराने बारावी उत्तीर्ण, किंवा दहावी आणि TI किंवा दहावी आणि पॉलिटेक्निक डिप्लोमा पूर्ण केलेला असावा. यासोबतच UIDAI मान्यताप्राप्त आधार ऑपरेटर,सुपरवायझर सर्टिफिकेट असणे अनिवार्य आहे.
advertisement
या भरतीसाठी किमान वयोमर्यादा 18 वर्षे असून कमाल वयोमर्यादा जाहीर करण्यात आलेली नाही. अर्ज करण्याची अंतिम तारीख 31 जानेवारी 2026 आहे. इच्छुक उमेदवारांनी CSC च्या अधिकृत वेबसाईट cscspv.in येथे जाऊन ऑनलाईन अर्ज करावा.
view commentsLocation :
Mumbai,Maharashtra
First Published :
Jan 03, 2026 2:50 PM IST
मराठी बातम्या/मुंबई/
दहावी-बारावी विद्यार्थ्यांसाठी सुवर्णसंधी! आधार केंद्रात मोठ्या प्रमाणावर नोकऱ्या; अर्ज प्रक्रिया वाचा एका क्लिकवर
