MBA तरुणानं लावलं डोकं, 1 लाख पगाराची नोकरी सोडली अन् पाळल्या कोंबड्या, कमाई किती?

छत्रपती संभाजीनगर : सध्याच्या काळात काही तरुण नोकरीच्या मागे न लागता स्वत:च्या बिझनेस करण्याचा विचार करतात. छत्रपती संभाजीनगरमधील उच्चशिक्षित तरुणाने 1 लाख पगाराची नोकरी सोडून मालक होण्याचा निर्णय घेतला. एमबीए झालेल्या संदीप दाभाडे याने कुक्कुटपालन व्यवसाय सुरू केला. त्याच्याकडे 5 हजार पक्षी असून तो चांगली कमाई करत आहे. याबाबतच लोकल18 सोबत बोलताना संदीप याने माहिती दिलीये.

संभाजीनगरमधील शेकटा येथील संदीप दाभाडे याने एमबीएचं शिक्षण घेतलं. पुणे विद्यापीठातून शिक्षण पूर्ण केल्यानंतर त्याने एचआर म्हणून मोठ्या कंपनीत लाखाच्या पगाराची नोकही होती. परंतु, दुसऱ्याच्या हाताखाली काम करण्यापेक्षा स्वत:चा बिझनेस करून मालक होण्याचा निर्णय संदीप यांनी घेतला. 2 वर्षांपूर्वी कुक्कुटपालन व्यवसाय सुरू केला. आता या व्यवसायातून त्यांचा उदरनिर्वाह सुरू आहे.

दरम्यान, शहरासह जिल्हाभरातील शेतकरी, व्यापारी, आमच्या पोल्ट्री फॉर्मला येऊन मोल भाव करून पक्षी घेऊन जात असतात. सध्या पक्ष्यांना बनवलेले अन्न 50 टक्के आणि बाजारात मिळणारे भाजी मंडईतील 50 टक्के असे देऊन त्यांचे संगोपन केले जाते. अंडी विक्री, थेट कोंबडी विक्री स्थानिक ग्राहकांच्या मागणीमुळे त्यांचा व्यवसाय अधिक वाढत चालला आहे.