Trending:

Gold Selling VS Gold Loan: सोने विकावं की लोन घ्यावं, तुमच्या एका निर्णयावर सगळं अवलंबून; सोने गमावायचं टाळा, एक्स्पर्टचा सल्ला

Published by:Jaykrishna Nair

Last Updated:September 23, 2025 10:34 PM IST

Gold Selling Or Loan: एक्स्पर्ट सांगतात की तात्काळ पैशासाठी सोने विकणं जलद आहे. पण भावनिक मूल्य असल्यास गोल्ड लोन योग्य पर्याय ठरतो. आरबीआयनुसार लोनची मर्यादा 75–85% पर्यंतच असून चुकीचा निर्णय सोनं गमावू शकतो.

इम्पॅक्ट शॉटतुमचा गेटवे लेटेस्ट न्यूज

मुंबई : जर तुम्हाला तात्काळ रोख रकमेची गरज असेल तर सोने विकणे हा सर्वात जलद मार्ग आहे. ज्वेलर्स किंवा गोल्ड बायर्सकडून तुम्हाला ताबडतोब पैसे मिळू शकतात. मात्र चांगली किंमत मिळवण्यासाठी वेगवेगळ्या ठिकाणी रेट तपासावे लागतील.

गोल्ड लोनदेखील बँक किंवा एनबीएफसी (NBFC) कडून काही तासांत मिळू शकतो. फक्त अट आहे की तुमचं KYC आणि सोन्याचं मूल्यांकन (Valuation) तयार असेल. जर तुम्हाला तात्काळ पैसा हवा असेल आणि पेपरवर्क टाळायचं असेल, तर सोने विकणे योग्य ठरेल. अन्य प्रकरणांत दोन्ही पर्याय जवळजवळ समान गतीने काम करतात.

सोने ठेवायचं की विकायचं?

हेच सर्वात मोठं निर्णयाचं ठिकाण आहे. सोने विकल्यावर तुम्ही त्या दागिन्यांचं मालकत्व कायमचं गमावता. गोल्ड लोन घेतल्यावर तुम्ही सोने गहाण ठेवता आणि हप्त्यांचं पेमेंट पूर्ण केल्यानंतर परत मिळवता. जर सोन्याला कौटुंबिक किंवा भावनिक मूल्य असेल, तर गोल्ड लोन हा सुरक्षित पर्याय ठरतो.

खर्चाच्या दृष्टीने बघितलं तर –

-गोल्ड लोनवर ८% ते १२.५% वार्षिक व्याज आणि प्रोसेसिंग फी आकारली जाते.

-सोने विकल्यावर व्याज नसतं, पण रोख रक्कम ही अनेकदा बाजारभावापेक्षा कमी मिळते.

अधिक फायदा आणि जोखीम

आरबीआयच्या नियमांनुसार (ऑगस्ट 2025) गोल्ड लोनसाठी LTV रेश्यो 75% ते ८५% आहे. म्हणजेच सोन्याच्या संपूर्ण किमतीएवढा लोन मिळत नाही. सोने विकल्यावर बाजारभावाच्या जवळपास पैसे मिळतात. जोखमीच्या दृष्टीने, विक्री झाल्यावर व्यवहार संपतो. मात्र गोल्ड लोन घेतल्यास हप्ते वेळेवर न भरल्यास तुमचं सोने लिलावात जाऊ शकतं.

कोणता पर्याय निवडावा?

जर सोन्याला भावनिक मूल्य जोडलेलं असेल किंवा भविष्यात सोन्याच्या किमती वाढतील अशी अपेक्षा असेल, तर गोल्ड लोन योग्य ठरतो. जर जास्तीत जास्त रोख हवी असेल आणि कर्जाचं ओझं उचलायचं नसेल, तर सोने विकणं फायदेशीर ठरतं. शेवटी निर्णय हा तुमच्या आर्थिक उद्दिष्टांवर, सोन्याशी असलेल्या भावनिक नात्यावर आणि परतफेड करण्याच्या क्षमतेवर अवलंबून आहे.

Location :

Mumbai,Maharashtra

First Published :

September 23, 2025 10:34 PM IST

Gold Selling VS Gold Loan: सोने विकावं की लोन घ्यावं, तुमच्या एका निर्णयावर सगळं अवलंबून; सोने गमावायचं टाळा, एक्स्पर्टचा सल्ला